VCT EMEA magbibigay ng $100,000 na suporta sa non-partner teams na makakapasok sa 2027 Kickoff

Ang mga non-partner team na makakapasok sa VCT EMEA Kickoff 2027 sa pamamagitan ng open qualifiers ay makakatanggap ng $100,000 na financial support package, ayon sa inilabas na detalye ng Riot Games.

"Ang layunin ay bigyan ang mga team ng makabuluhang suporta habang nakikipagkumpitensya sila sa mas mataas na antas ng VCT, simula sa pagkakataong makamit ang inyong puwesto sa Kickoff sa pamamagitan ng VCT EMEA Kickoff Qualifiers," pahayag ng Riot.

Ang VCT EMEA Kickoff 2027 ay magtatampok ng 12 teams: walong partner team at apat na team na magkakamit ng puwesto sa pamamagitan ng regional qualification.

Ang apat na puwestong ito ay magmumula sa tatlong competitive region: dalawa mula sa Europe, isa mula sa Türkiye, at isa mula sa MENA.

Paano ang qualification pathway para sa bawat rehiyon?

Ang qualification pathway ay magsisimula sa dalawang Kickoff Qualifier sa bawat rehiyon, na nagbibigay ng dalawang pagkakataon para umusad ang mga team.

Para sa Europe, ang mga Kickoff Qualifiers ay magtatampok ng single-elimination brackets na may Best-of-Three matches.

Ang top four teams mula sa bawat Kickoff Qualifier ay aabante sa isang 16-team Kickoff Europe Qualifier Playoffs mula Nobyembre 26 hanggang Disyembre 5.

Sa playoffs, ang walong qualifying team ay sasamahan ng walong inimbitahang non-partner team, na pipiliin batay sa kanilang 2026 competitive status at performance.

Ang Kickoff Qualifier Playoffs para sa Europe ay magtatampok ng isang modified double-elimination bracket na may Best-of-Three matches, at isang Best-of-Five grand final.

Ang top two teams mula sa grand final ang makakakuha ng puwesto sa VCT EMEA Kickoff.

Sa Türkiye, ang mga Kickoff Qualifiers ay magtatampok din ng single-elimination brackets na may Best-of-Three matches.

Ang top two teams mula sa bawat Kickoff Qualifier ay aabante sa isang eight-team Kickoff Türkiye Qualifier Playoffs mula Nobyembre 25 hanggang Disyembre 6.

Sila ay sasamahan ng apat na inimbitahang team batay sa kanilang 2026 competitive performance.

Ang Kickoff Qualifier Playoffs para sa Türkiye ay magkakaroon ng GSL group stage, na may mga team na hahati sa dalawang grupo ng apat.

Ang top two teams per group ay aabante sa isang double elimination bracket, kung saan ang lahat ng match ay Best-of-Three, at may Best-of-Five grand final para sa nag-iisang puwesto sa Kickoff.

Para sa MENA, ang mga qualifier ay hahatiin sa Middle East (ME) at North Africa (NA), na may magkahiwalay na qualifier para sa bawat sub-region na tatakbo nang magkatulad.

Ang bawat sub-region qualifier ay magtatampok ng single-elimination bracket na may Best-of-Three matches.

Ang mga select non-partner team sa MENA ay makakatanggap ng higher seeding sa Kickoff Qualifiers batay sa kanilang 2026 competitive performance.

Pagkatapos ng Kickoff Qualifiers, ang dalawang Middle East Qualifier winner ay maglalaban sa isang Best-of-Five Decider match, habang ang dalawang North Africa Qualifier winner ay maglalaban sa isang hiwalay na Best-of-Five Decider.

Ang parehong Qualifier Decider match ay gaganapin sa Nobyembre 20, at ang magwawagi sa bawat isa ay aabante sa Kickoff MENA Qualifier Final.

Ang Kickoff MENA Qualifier Final, na gaganapin sa Disyembre 6, ay magpapalaban sa Middle East at North Africa representatives sa isang Best-of-Five, kung saan ang magwawagi ang makakakuha ng puwesto sa VCT EMEA Kickoff.

Upang matiyak na ang parehong team ay makakapaglaro sa isang low-latency environment, ang dalawang representatives ay ifa-fly sa iisang lokasyon para sa match.

Sino ang maaaring mag-rehistro at sumali?

Bukas na ang registration para sa Kickoff Qualifier 1 sa mga rehiyon ng Europe, Türkiye, Middle East, at North Africa.

Ang mga team ay dapat na binubuo ng limang manlalaro na may residency sa kanilang nilalabanang rehiyon, at ang lahat ng manlalaro ay dapat na hindi bababa sa 16 taong gulang.

Ang mga manlalaro ay hindi maaaring nakakontrata sa isang VCT International League partner team sa oras ng qualifier, at ang mga team ay hindi dapat magkaroon ng higit sa dalawang manlalaro mula sa isang partner team sa nakaraang VCT season.

Ang eligibility para sa mga indibidwal na bansa sa loob ng bawat rehiyon ay tinukoy sa Competition Ruleset.

Ano ang karagdagang suportang pampinansyal para sa mga non-partner team?

Bukod sa $100,000 para sa mga makakapasok sa Kickoff, magbibigay ang Riot Games ng fixed financial support sa mga non-partner team na makakapasok sa iba pang major stages ng VCT ecosystem sa 2027.

Ang suporta ay ibibigay batay sa kung gaano kalayo ang mararating ng isang team, at ang mga non-partner team ay magiging eligible din para sa prize pool earnings at karagdagang incentives habang tumatagal ang season.

Gayunpaman, ang mga partner team ay makikinabang pa rin sa mga eksklusibong benepisyo tulad ng Team Capsules at Direct Seeding sa mga susunod na yugto ng qualifiers.

Ang mga select non-partner team sa mga rehiyon ay makakatanggap din ng direct invites o higher seeding sa mga Kickoff Qualifier batay sa kanilang 2026 competitive performance.

Ang karagdagang impormasyon tungkol sa kung aling mga team ang makakatanggap ng direct invites ay ibubunyag sa susunod na petsa.

Ang registration para sa Kickoff Qualifier 2 ay magbubukas sa susunod na petsa.

Maaaring subaybayan ang VCT EMEA, VALORANT Arabia at VALORANT Türkiye X channels para sa pinakabagong Kickoff Qualifier updates at registration information.